اسمع من السوق ... ماتسمعش عن السوق

اسمع من السوق ... ما تسمعش عن السوق 😉

​لو فضلت قاعد في مكتبك وبتسمع كلام الناس اللي حواليك هتقتنع إن السوق واقف والوضع سيء وما فيش شغل ( ما بنفيش المشاكل الموجودة ) 

​لكن الواقع اللي بنشوفه بعينينا كل ما بننزل على الأرض مختلف تماماً.

​لما بتنزل وتتحرك بين التجار والعملاء والشركات بتكتشف إن السوق مليان فرص حقيقية بس الفرص دي مش موجودة على السطح ولا مستنياك في زحمة الأسواق التقليدية اللي الكل بيتخانق فيها على نفس الحصة ونفس التجار ونفس المشترين ونفس خطوط التوزيع ...

🔴 ​3 حقائق بنشوفها دايماً على أرض الواقع:

 1- ​الأسواق البعيدة هي منجم النمو:
أغلب الناس بتكسل تبعد أو تفتح خطوط في أقاليم ومناطق بعيدة مع إنها متعطشة للمنتج والخدمة الصح والمنافسة فيها أقل وفرص التوسع وهوامش الربح فيها أضعاف.

2- ​زمن ( الصفقة اللي بتجيلك لحد عندك)  انتهى: السوق الحالي مش بتاع اللي قاعد مستني التليفون يرن السوق عاوز اللي يسع -  يجرب-  يخبط ع الباب-  ويحاول مرة واتنين وتلاتة لحد ما يلاقي مدخله.

3- ​العلاقات على الأرض أقوى من أي تقرير: 
البيع والشرا في النهاية ثقة والثقة دي بتتبني بالمواجهة المباشرة وفهم احتياج العميل الحقيقي مش بالافتراضات من ورا الشاشات.

​ما تاخدش تقييمك للسوق من حد قاعد في التكييف ومستني الفرصة تخبط عليه.

​انزل شوف بعينك و ابني شبكة علاقات قوية وروح للأماكن اللي غيرك شايف إنها صعبة أو بعيدة.. 
هتلاقي إن السوق مليان شغل للي بيدور عنه بجد ❤️