اسمع من السوق ... ماتسمعش عن السوق (3)
المقال التالت من سلسلة: اسمع من السوق ماتسمعش عن السوق
في المقال الأول اتكلمنا عن وهم "السوق واقف" والفرق بين اللي بيسمع واللي بينزل يشوف بنفسه. وفي المقال التاني وضّحنا إيه اللي بنعمله مختلف لما بننزل الميدان وإزاي البيزنس اللي بيتحرك بمنهجية بيتوسع حتى في أصعب الظروف.
النهاردة بنكمّل الصورة: بحوث التسويق بغرض التنشيط البيعي - يعني إيه بالظبط؟
بحوث التسويق الميدانية مش جمع بيانات ... دي رسم خريطة سيطرة
بحوث التسويق بغرض التنشيط البيعي مش معناها إننا بننزل نبيع أو مجرد نجمع داتا - لكن بنرسم شكل خطة المبيعات والمتابعة للسوق من خلال معلومات حقيقية تمكّنك من السيطرة مستقبلاً.
في مشروعنا الحالي زوّدنا محافظتين غير المتفق عليهم - بدون تكلفة إضافية - لا لحاجة غير إننا عاوزين نرسم المعلومة كاملة ونرسم شكل السوق بصورة دقيقة.
كلمة بسيطة ممكن تغيّر شكل التحرك على الأرض
في بحوث التسويق الميدانية، كلمة بسيطة من تاجر أو عميل ممكن تغيّر شكل التحرك على الأرض بالكامل. ودا كان زمان بيقابلنا وممكن يعمل مشكلة أثناء المشروع - بحكم إن مفيش تحكم كامل في السوق.
لكن حالياً - علشان ترسم هيكل اتصال مباشر وكماشة في نفس الوقت - لازم ما تخلّيش مكان للصدفة.
تنشيط المبيعات = فتح خط اتصال مباشر مع السوق
تنشيط المبيعات مش مجرد زيادة أرقام - لكن فتح خط اتصال مباشر مع السوق على مدار الوقت، من أعلى صاحب قرار في المؤسسة لحد آخر نقطة بيع.
ودا اللي بتعمله بحوث التسويق الميدانية الحقيقية - مش بس تجمعلك أرقام، لكن تبنيلك منظومة معلومات تقدر من خلالها تتحرك بثقة وتسيطر على السوق خطوة بخطوة.
السوق مش محتاج حظ - محتاج معلومة صح ومنهجية تحرّك واضحة.
والحمد لله من خلال شغلنا في بحوث التسويق ودراسات السوق على مدار سنين - بنشوف ده بفضل الله كل يوم.
📌 اقرأ باقي مقالات السلسلة:
