ليه نضاعف الجهد المبذول الفترة الجاية 50 مرة ؟
ولاً هذا البوست وما قبله دعوة للتفكير ليس أكثر للتعامل مع الأمر الواقع لمن ليس لديهم فرصة خارج السوق المصري فلو حضرتك من محبي اللطميات أو المسكنات فهذا الحساب لا يناسبك 
1- 6 شهور مرحلة إستقرار وهمي مع تقلبات إقيلمية :
وفقاً لتصريحات الحكومة فأسعار المحروقات ثابته لمدة 6 قادمة بأمر الله ( متصلة ومعتمدة على المتتغيرات الإقليمية ) وبالتالي التعامل مع الفترة دي بحذر إستعداداً لما يمكن أن يكون أسوأ ( هنشرحها نقطة لوحدها )
2- التضخم مضاعف :
كلنا كنا بنشتكي من ركود تضخمي ودلوقتي مع زيادة الأسعار فالقدرة الشرائية نفسها هتقل تاني مع زيادة تكاليف إنتاجية وتشغيلية وتبعات زيادة منتجات وخدمات فلازم خطوات إستبقاية
3- التكيف والمرونة :
لازم تتكيف مع الوضع الجديد والمستحدث فلازم تتعامل مع كل موارد مشروعك بذكاء شديد جداً وفقاً لتقييم ودراسة المشروع نفسه .
4- الأولويات :
أوعى تشتغل عشوائي أوعى تشتغل عشوائي بقالنا سنين بنقول السوق حالياً ماينفعش مع عشوائيته غير نظام فخطط مشروعك كويس وحدد اولوياتك في المشروع من إستدامة عمليات التشغيل والتركيز مع المنتج او الخدمة وتطويرة وفقاً لحركة السوق والمستهلك ( إستخبارات تسويقية )
5- بالله عليك قلل لطميات ونظرة للمتغيرات الخارجية :
أنا عارف وانت عارف إن فيه حاجات كتير ليس لنا من الأمر شىء لكن خلاص لازم تبص مشروعك يعتمد على ذاته داخلياً إزاي ودا ناتج عن التخطيط فركز مع السوق وإستمرارية المشروع وبلاش تقعد تبص على المتغيرات إلا لإتخاذ قرارات فلازم تبني هيكل إتصالي قوي لأن أصلاً المتغيرات الخارجية زي الظروف الجيوسياسية دي تهديد ومخاطر لكن وقوعها غير معلوم .
6- الإستعداد لما بعد الإستقرار الوهمي وفتراته :
6 شهور معاك مش معناه إنك تركن وتقول زيي زي الناس لا حضرتك الجهد لازم يكون مضاعف تنظم نفسك وتنظم مشروعك وتستعد لل6شهور التاليين ليهم اللى هيكون فيهم زيادات تانية إحنا معانا زيادات للسنة الجاية بأمر الله حتى نهايتها .
7- إستغلال الفرص :
وقت الأزمات حضرتك تصنع الثروات وتكتشف الفرص والثروات هنا مش إن حضرتك تستغل حاجة الناس وتغتني لا إن حضرتك تستغل فرص المشروع بتاعك ويكبر سواء بقى خدمات ومنتجات او تحالفات او خطوط توزيع ومصادر دخل إضافية لمشروعك طبعاً دا هييجي من دراسة السوق .
8- التكاليف :
التكاليف ثم التكاليف ثثم التكاليف إدرس تكاليف الإنتاج والتشغيل كويس جداً وحاول تقلل الهدر دا هيكون من خلال هيكلة إنتاجية ومن خلال دراسة سوق لأن الفرص بدل ما تكون ثروة ممكن تكون خطر لو إنت مش دارس تكاليفك وحساباتك كويس جداً
9- تأقلم يا حاج :
إنت بقيت كبير وشحط بما فيه الكفاية على كل السواد والأزمات اللى بتشوفها السنين اللى فاتت فمعلش أقلم نفسك والناس اللي معاك فى الشغل على المجهود اللى هيكون مضاعف وما تبقاش راجل نتن وتخليه مضاعف لمصلحتك لا دا للناس كلها من أصغر موظف لأكبر موظف .
10- إستعد لما هو أسوأ :
دايماً يا حبيبي لازم كل تخطيطك على الإستعداد لما هو أسوأ لا قدر الله فلو حصل حاجة في الوقت اللي الناس هتلطم فيه حضرتك بتاخد خطوات كبيرة ودا مش هييجي إلا بمجهود مضاعف .
11- ما تستخسرش :
أي فلوس مشروعك هيكون محتاجها دلوقتي اصرف لكن بعقل وهتستفاد إيه علشان ما تقولش ياريت زي ما انت بتقرأ البوست وتفتكر قرارات أجلتها وكسلت تصرف ودلوقتي مضاعفة مش كل شوية هقولك هتكتشف إن أرخص ما كنت تملكه الفلوس لأن المجهود دا هيتحتاج فلوس معاه .
12- ربنا مسبب الأسباب :
أوعي تنسي إن كل اللى بيحصل دا هو في ملك الله بإرادة الله الله ليس لك من الأمر شىء عليك فقط تستعين بالله وتتوكل عليه حق توكله وتاخد بالأسباب يقيناً ودي بقى تكتبها فى كل ورقة ومكان قدامك .
فيما عدا ذلك كل الأمور مستقرة بالنسبالك
