بنسبة كبيرة المنتج اللي هتنزل تدرس السوق عنه أكبر مكاسبة حالياً في المنتجات المتقاطعة معاه والمكملة 
ولازم العميل يكون مهيأ نفسياً لكدا ودا في حالات التأسيس وبالنسبة للحالات التنشيطية دا نموذج دخل مهم جداً في حالات الركود 
بص يا ريس في بحوث التسويق لازم تفرق بين حاجتين التأسيس والتنشيط ( مشروع قائم) ..
ببساطه التنشيط هيكون أسهل لأن فيه سمعة ودي من أهداف دراسة السوق وهو قياس العلامة التجارية ..
السؤال الأهم هتدخل تتكلم معاه ازاي سواء تنشيط ولا تأسيس ودا يخلينا أقولك في مهارة مهمة جداً إسمها مهارة التفاوض المعلوماتي والبحث العميق لازم تتعملها علشان تقدر تدرس سوق ..
بس خلي بالك السوق ع الأرض غير كورسات التفاوض عاوز تعرف بتتفاوض بمعلومات شكلها إزاي أحيانا شوف أول تعليق. لكن خلي بالك كل مقابلة ولها أسلوبها
مستعد تغير وجهة المشروع كله وتسمع التوصية كاملة بعد ما نخلص ؟
دا سؤال من الأسئلة المهمة اللي بنسأله دايماً للعميل في أول المشروع لأن أحياناً بيكون عنده طاقة عالية قوي للمنتج وما بيفكرش في حاجة تانية وتعالى أقولك القصة دي :
في واحد من مشروعاتنا وإحنا في أسيوط كان فيه تاجر كبير كل الناس بتقولنا عليه ولازم نزوره ولما قعدنا معاه كان مهتم كل شوية بفكرة الغطا الخاص بالريداتير وإيه الجديد بتاعكم وبدأتم تصنيع ولا بس إستيراد ؟
لما بدأنا نتكلم معاه ونسأله ليه الغطا بس اللي بتسأل عنه ؟
حكى قصة من قصص كتير لازم نتعلم منها بس الأول خليني أقولك فى الوقت دا كنا بنتكلم عن واحد صاحب مركز خدمة سيارات متكاملة وموزع مهم للمنتج في الصعيد وبيستعد علشان يعمل معرض من أكبر معارض أسيوط .
أول ما بدأ شغل التجارة والوساطة إكتشف إن فيه مشاكل كبيرة بتقابل الصنايعية فى الغطا وإنه كقطع غيار وإكسسوار مش متوفر على طول ومن هنا بدأ تجارته .
هو متخصص في عطا الريتداتير بس وبدأ يشوف الأحدث واللي عليه الطلب وبدأ يشتري ويخزن علشان يكون المخزون متوفر بشكل مباشر وبدأ تقريباً يكون الموزع الرئيسي والمشهور بتوفر المنتج عنده ..
في خلال 4 أو خمس سنين كان بدأ يدخل المنتج كامل وباقي الإكسسوار واحده واحده يخدموا على الغطا ثم بدأ يعمل مركز صيانة سيارات وبدأ يدخل خدمات تانية فى المركز وكل خدمة بما لا يؤثر على توزيعه للمنتج الرئيسي ولا يخسره باقي المنافسين كعملاء .
وكان بيقول أنا مدين لربنا ثم لغطا الريداتير فى كل اللى وصلت له .
#الشاهد :
مش لازم تدخل السوق دايما فارد عضلاتك ولا تدخل لمنتج رئيسي في حين ممكن تبدأ ريادتك للسوق من منتج الناس ما بتهتمش بيه رغم أهميته لكن الفرصة هنا وإستغلالها .
وهنا السؤال المهم إزي وصلنا إننا نقعد ونحكي وإيه اللى خلاه يتكلم الكلام دا كله ويشرح لنا ؟
صباحك جميل يا صديقي .
ياترى إيه المشروع الأنسب حالياً لو محتاج أسس حاجة في مصر ياترى المشروع الصناعي أفضل ولا التجاري ؟
بخصوص الناس اللي بتبعت كتير محتاج أفتح مشروع خليني في البوست دا هقولك 10 نقط تخليك تبدأ بالمشروع التجاري لو لسه بتبدأ وحتى لو شغال في صناعة معينة لمدة سنين ودا لا يقلل من فرص المشروعات الصناعية :
1- رأس مال أقل وتشغيل أسرع :
المشاريع التجارية مش بتحتاج لرأس مال كبير زي الصناعي، وتقدر تبدأ بسرعة بدون تجهيزات معقدة.
2- توفير مرونة في التغيير
لو السوق اتغير تقدر تغير المنتج أو الخدمة بسهولة بعكس الصناعات اللي محتاجة تعديل خطوط إنتاج كاملة.
3- دورة رأس المال أسرع
فلوسك بترجع أسرع لأن البيع بيكون مباشر مش مستني تصنيع وتسليم وطبعاً يتوقف على نوع المنتج أو السوق اللى هتختاره .
4- تجنب مخاطر الإنتاج :
مفيش حاجة اسمها ( عيوب تصنيع – خسائر في الإنتاج)، لأنك بتتعامل مع منتجات جاهزة وممكن كمان يكون فيه تعاقدات إستبدال وإرجاع التوالف .
5- سهولة التوسع :
لو الأمور مشيت كويس التوسع بيكون سهل في منتجات أو مناطق جديدة بدون تكلفة كبيرة.
6- التعامل المباشر مع العميل :
ده بيديك ميزة فهم السوق واحتياجات العملاء بشكل أسرع ودا ممكن يكون مدخل إنك تحول تصنيع ولو بشكل جزئي .
7- تقليل التكاليف الثابتة
مفيش معدات أو مصانع محتاجة صيانة مستمرة أو تحديث.
8- التنوع في المنتجات :
تقدر تضيف منتجات جديدة بسهولة لو شفت طلب عليها في السوق أو منتجات مكملة أو منتجات متداخلة .
9- سهولة الخروج من السوق
لو الظروف بقت أصعب الخروج بيكون أسهل من بيع مصنع أو معدات.
10- فرصة أفضل للربح السريع
مع الطلب العالي على المنتجات الاستهلاكية الربح بيكون أسرع وأضمن وتاني بأكد حسب السوق أو المنتجات اللى هتختارها .
تأكيداً دا لا يقلل من حجم الصناعة وفرصها في الوقت الحالي واللي هنعمل لها بوست مخصص بأمر الله لكن الإختيار هنا وفقاً لدلائل السوق في الوقت الحالي مع الوضع في الإعتبار إحنا في مراحل إستقرار وهمي مؤقت وحتى نهاية العام تقريباً .
وحتى لو عندك مشروع صناعي حاول تبدأ الجانب التجاري منه .
لو عندك فكرة وحابب تدرسها من كل جوانبها ممكن تتواصل من خلال صفحة Compass – Business Solutions ,وتستفاد بسعر الخصم على جلسات الأون لاين للتقييم والعصف الذهني لآخر شهر يناير أو التواصل مباشرة من خلال واتساب 010 33913916 وفيما عدا ذلك كل الأمور مستقرة حالياً إستقرار مؤقت
دا كارت للوهلة الأولى هتعتقد إنه لصفحة أو أبلكيشن لتوصيل الطلبات بس دا نموذج حي لنماذج الإيرادات اللي إتكلمنا عليها كتير ..
في دمياط طالب إن درايف وبعد ما ركبت مع الكابتن لقيته قعد يسألني إنت من دمياط قلت له لاء قالي مفيش مشكلة عموماً لو إحتجت حاجة في أي وقت أو تعرف حد من دمياط ومحتاج طلبات أنا أجبهاله بالعربية وأوصلهاله وانا كدا كدا فى الشارع …
نماذج الإيرادات هي نوع من أنواع إستغلال إمكانيات المشروع الحالي في فتح سبل لموارد مالية في حالة المشروع فيه حالة ركود ودا إتكلمنا عنه قبل كدا حتى من قبل التجهيز للمشروع او حتى شراء معدات أو عمليات توسع ومع إرتفاع أسعار المعدات والتجهيزات فنحاول بقدر الإمكان يكون التوسع مدر للمال بذاته …
من أسهل أشكال نماذج الإيراد المصانع اللي بتأجر المكن والآلات بتاعتها للغير سواء داخلياً أو خارجياً لكن علشان تعمل دا لازم يكون فيه تخطيط مالي واضح للمشروع وعمليات المستهدف السنوى بناء على غرض المشروع الرئيسي والقدرة الإنتاجية المفقودة للمشروع …
ليه بنشر الصورة دي دلوقتي بس علشان الفترة الجاية ناس كتير جداً هتكون محتاجة تعمل نماذج إيراد بدل ما تقفل مشروعها ..
فيما عدا ذلك كل شىء مستقر إستقرار وهمي ..
#سوق_مصر
#مدرسة_الواقعية
#لنا_في_التسويق_حياة
#رحم_الله_أبي
