1- تحديد السوق والعميل المستهدف :
وطبعاً دي نقطة سهله بالنسبة إنك عارف مجالك لكن الأصعب فيها هو متابعة ودراسة المتغيرات السلوكية فى السوق المتقلب وكمان التغيرات الديموغرافية على حقيقتها ( إرجع لفيديو الحديث عن كلاس a )
2- جمع البيانات :
وهنا بكلمك عن البيانات التفصيلية الخاصة بالسوق من عدد السكان والقوة الشرائية ونشاط إقتصاد السوق نفسه وهنا لازم أفكرك لازم تنزل وتوصل للأرقام بنفسك لأن مصادر الأرقام الرسمية هتلاقيها قديمة بعض الشىء .
3- تحليل المنافسين :
الموضوع هيظهر لك إنه جمع بيانات لكن لما بنتكلم دراسة منافسين مش مجرد دراسة صفحات السوشيال ميديا إحنا بنتكلم عن تشغيل وموظفين وأساليب وتحليل داخلي في أحيان كثيرة ونشاطهم فى السوق .
4- تقدير حجم الطلب الكلي :
واسمحلي أكون واضح معاك إنك صعب جداً توصل للرقم الفعلي في سوق مثلاً زي سوق مصري فهتوصل لرقم تقريبي بس دا محتاج منك تفاصيل عن نوع السوق ودراسة العملاء والمستهلكين كمان لكن هقولك يكفي تدخل متغير واحد على أرقامك زي متغيرات الخام او المحروقات فلازم تستعين بمتخصص هنا وتبني كمان هيكل إتصال قوي واشتغل نصيحة 90-10
5- سلوك المستهلكين :
وفي سوق الأزمات محتاج دراسة وملاحظات على الطلب الفعلي والعملية دي لازم تكون مستعد إنها تكون مرهقة ومكلفة وتقريباً بتحتاج تستعين بتيم العمل الخاص بيك كامل .( ارجع لبوست دراسة سلوك المستهلك )
6- تقدير حجم السوق المحتمل :
ودا بعد تجميع الأرقام اللي قلناها نبدأ في دراسة حجم السوق المحتمل لكن هنا لازم تخلي بالك من دراسة المتغيرات الإقتصادية وسلوك المستهلك والتأثيرات السياسية والإبتكار وإتجاه السوق نفسه .
7- تحليل الحصة السوقية المحتمل :
وهنا بنجمع دراسة المنافسين مع دراسة الإستهلاك وحجم السوق والطلب ومن خلال بعض الحسابات نبدأ فى تحديد حصة تقريبية في السوق وحجم النمو والمنافسة المتوقعة .
8- السيناريوهات :
والسيناريوهات مش لمجرد إدارة الأزمات لكن كمان بتدخل فى تقدير حجم السوق المتوقع زي مثلاُ إرتفاع الأسعار أو ارتفاع أسعار المواد الخام او تقلبات إقتصادية قرارات سياسية والقوة الشرائية .
9- تقييم القدرة على المنافسة أو دخول السوق :
وهنا بنبدأ نشوف القدرة العامة سواء للشخص في تأسيس المشروع او للشركة في عمليات توسع أو منافسة لكن طبعاً لازم تحدد عوامل المخاطرة والتكلفة والتنافسية علشان تقدر ترسم خطة عمل واضحة .
10- ما تعتمدش دايما على اللى بتقرأة او بتسمعه أو بتتفرج عليه لأن المتغيرات حالياً لحظية ولازم تكون متابع قوي للسوق أو المجال اللي شغال فيه وعندك من المهارات اللازمة لدا وأي خدمات خارجية هتستعين بيها لازم تعملها عملية توطين لتقليل التكلفة المستقبلية .
فيما عدا ذلك كل الأمور مستقرة 
لو حابب تنضم لجروب الواتساب لو عندك أسئلة ادخل من الرابط :
https://chat.whatsapp.com/HfykDk74ghW0UIUH9BO5ej
