ي مجموعة نصائح اسأل الله العظيم أن تفيد أحدكم وتفيدنا :
1- أوعى تشتري بعاطفتك أي إعلان يقابلك أو حاجة اعطي نفسك فرصة ساعتين تلاته تفكر كويس جداً وبلاش نشوة التملك تاخد منك وقيم فوائدها الحالية والمستقبلية .
2- حاول تشتري إحتياجاتك الأساسية فقط لا غير وهنا أقصد إحتياجات بيتك وعملك وحياتك أي رفاهيات ياريت تبص للنصيحة الأولى .
3- اتعب شوية ودور على العروض والتخفضيات أو منافذ البيع المخفضة ودا مش معناه إنك ما تدورش كويس عن المنتج اللى بتشتريه وأصله وتفاصيله علشان صحتك وصحة أولادك .
4- وقت لما يتوفر فلوس مع النصيحة رقم 2 حاول تشتري كميات لكن خلي بالك من تاريخ الصلاحية بالأخص في الأكل والشرب
5- مش لازم تشتري مستورد شوف المنتجات البديلة محلياً بتكون أسعارها وجودتها كويسة واسأل وأعرف الأفضل إيه ؟
6- تاني أي حاجة غير ضرورية أجل شرائها إلا لو كانت لتخطيط مستقبلي ولقيتها بسعر كويس أو فيه إحتمالية يزيادة بالسعر .
7- كُل في البيت وقلل مطاعم شوية أكل البيت ممكن تطبخه وتجمده ودا متصل مع موضوع الكميات أو تجمد أكل لفترات حسب الإستخدام .
8- متصل بالنصيحة اللي قبل دي حاول تخطط الوجبات بتاعتك وكمان تحافظ على العناصر اللى تساعدك واولادك علشان صحتك
9- صحتك راعي صحتك قوي وصحة أولادك المووضع دا رخم جداً وانت شايف الأدوية عاملة إزاي
10- لو محتاج سلعة للبيت أو أجهزة شوف المستعمل الأول دا في حالة لو هي ضرورية ولقيت مستعمل عليه ضمان وكويس او اماكن بتبيع بسعر مخفض لكن في كل الأحوال الجديد طبعاً أفضل ووقته أكبر لكن دا في حالة لو مش هتقدر على الجديد .
11- استغل وقت التخفضيات الموسمية أو تصفية المواسم بالأخص فى الملابس وما شبهه هيوفر معاك مستقبلياً كتير جداً
12- مش لازم فكرة أنا شاري من براند كذا او محل كذا ماتغركش الأسماء على حساب ميزانيتك وجيبك وإلتزماتك طالما الحاجة اللى هتشتريها هتؤدي الغرض وهتبحث إشتري من أي مكان بس دا ما يخليكش تجيب من أماكن مجهولة .
13- لو عندك عربية فى المشاوير المقفولة اركب مواصلات ووفر ثمن الينزين والهلك بتاع العربية .
14- فاصل على قدر ما تقدر لو فيه إمكانية وبالأخص مع الكميات الكبيرة
15- كل اللى فات دا جاي تحت إنك تشتري منتجات بجودة كبيرة علشان ما تضطرش تصلح كتير أو ما تستفدش من الحاجة اللى بتشتريها .
16- بلاش البطاقات الإيتمانية بلاش البطاقات الإئتمانية بلاش البطاقات الإئتمانية .
17- كل شهر حاول تقيس مصروفاتك على الإحتياجات وعلشان تعرف إيه موجود وإيه انتهي وإيه استفدت منه وإيه ما استفدتش منه وتقدر مثلاً تستفاد من عمليات إعادة بيعه أو مبادلته .
بأمر الله لو فيه نصائح تانية هكتبها واللى عنده نصيحة يكتبها فى التعليقات .
