لأن في النهاية يهمنا قرار بناء على معلومة ومعلومة بقدر كبير ملمه بعينة وسوق الدراسة وهنا ممكن ناخد خطوات منها :
1- تحديد هدف البحث أو الدراسة نفسها وهنا لازم تعرف تفرق في آليات تحديد الأهداف ووضوحها ودورك فيها بين عميل خارجي أو حضرتك بتشتغل في شركة .
2- حجم السوق اللى بتستهدفه هتعمل الدراسة على مستهلكين او وسطاء أو طبقة أعلى في هيكل السوق طيب داخل حي ولا مدينة ولا محافظة
3- مستوى الثقة فى العينة كام ودا حضرتك اللى بتحدده بناء على النقطتين اللى فوق يعني مثلاً والله مستوى الثقة أنا هحدده 85 أو 90%
4- بناء على مستوى الثقة نسبة الخطأ المقبول فى العينة كام وهل هو خطأ مهمل تماماً ولا خطأ مهمل وفقاً لهدف البحث نفسه ولكن معلومات جانبية
5- تنوع الناس او التباين فيهم يعني لما أقول التنوع فى القاهرة الكبرى غير القاهرة غير مدينة نصر غير مدينتي ولازم تكون فاهم وعارف تقيس دا كويس .
6- نستخدم معادلات تحديد العينة وأشهرها معادلة Slovin وفي معادلات تانية وفقاً للحجم الكلي .
7- الدراسات السابقة لو متاحة أو متاح تقارير دراسات سابقة ونشوف حجم العينة فيها لكن نخلي بالنا من أكبر أخطاء البحوث التسويقية التسليم بالنتائج السابقة وطبعاً وفقاً لتاريخ ووقت الدراسة نبص عليها .
8- فيه برامج بقى زي spss ممكن يساعدك في تحديد الحجم وهو بالمناسبة مدفوع .
9- طبعاً الخصائص للعينات المستهدفة السن والجنس والتعليم والمكان ووفقاً للتفاصيل هتتعمق أكتر فى تحديد حجم العينة .
10- ابدأ بإختبارات تجريبية وشوف النتائج ومدى توافقها مع هدف البحث ونسبة الخطأ والتباين وبناء عليه بتقرر .
11- طبعاً مش عيب أبداً إنك تستعين بمتخصصين في المجالات اللى بتدرسها علشان يساعدوك في تحديد حجم العينة بس حاول حد يكون محتك وداخل المجال اللى بتدرسة مش أي شخص في العموم .
دي خطوات بسيطة في تحديد حجم العينات لدراسة الأسواق لكن خلي بالك فى الإستسهال ناس تاخد عينة بسيطة جداً وناس تاخد أكبر عينة ممكنة بدون هدف مباشر اللي هي فكرة انا هشتغل دراسة سوق وخلاص .
فيما عدا ذلك كل الأمور مستقرة 
