لكن دا ما يمنعش إن أحياناً ممكن يكون لها بعض الفوائد لكن وفقاً لتخطيط سليم وتعالى أقولك بعض الفوائد لها .
افتكر إني قلت لك اللعبة دي لها مخاطر كبيرة فلازم تركز كويس جداً في النقط اللى جاية :
1- تحفيز الطلب وقت الأزمات :
ولو تفتكر لما قلنا نصائح للمستهلكين وهو إستغلال وقت العروض للحصول على الإحتياجات الفعلية
2- حرق منافسين جدد :
واللعبة دي لازم تتلعب بأخلاقيات وفقاً لحجم دخول المنافسين الجدد للسوق وما تتلعبش بدون دراسة منافسين ومعرفة مدة ووقت العروض بداية ونهاية بشكل واضح وعلى أي منتجات أو خدمات عندك .
3- زيادة السيولة :
وهنا بتكون وفقاً لعمليات الجرد والتقييم والمخزون الراكد عندك وإستغلاله فى عروض ترويجية أو عمليات تسييل منتجات لإستبدالها مع الوضع فى الإعتبار إن المنتج الراكد والقديم عندك جديد في أسواق عندك فممكن تستفيد منه جداً
4- زيادة عمليات التشغيل :
أحياناً حرق الأسعار ممكن يكون داخل تحت إختبار العملية التشغيلية لكن النقطة دي وفقاً للمنتج عندك وعمليات التوزيع او قبل عمليات توسيع السوق المستهدف بدرجة كبيرة فنعمل إختبار تشغيل على الطلب .
5- دخول سوق جديد :
ودي مرتبطة بالنقطة السابقة وفي حالة دخول أسواق جديدة وسرعة الإنتشار داخل السوق لكن طبعاً دي مرتبطة بعمليات تقييم الخام والتوريد وعمليات التسعير مع مراقبة حركة السوق والتقلبات لأنها ممكن تيجي بنتيجة عكسية وكمان دراسة السوق دا كويس علشان ما تعملش زي بياع اللبن .
6- الشراء للكميات :
ودي مرتبطة كمان بسوق الأزمات وعمليات الشراء بكمبات كبيرة من المستهلكين للتخزين وبردو بحذرك إلعبها مع مخزون او أسواق جديدة علشان عينك لازم تكون على الخام والمخزن والتوريد .
7- أحياناً للسيطرة على أسعار السوق .
والحركة هنا معظم الوقت بتكون من المتحكمين فى الأسواق للسيطرة على سوق ما في حالة لو كانوا هم المرجعية للتسعير وطبعاً ممكن تكون لحرق المنافسين .
في النهاية لازم تخلي بالك من لعبة حرق الأسعار لأنها ممكن تلزق في إسمك فى السوق وهتعاني فترة كبيرة جداً علشان تصحح الصورة فادرس كل خطوة للقرار دا بشكل تفصيلي وواضح ومحاسب التكاليف لازم يكون معاك وخطوة بخطوة وكمان تحديد الهدف من الحرق .
فيما عدا ذلك كل الأمور مستقرة 
